Namaskar

DD NEWS

.

ZEE NEWS

.

Wednesday, August 19, 2015

પોરબંદરમાં ઇતિહાસવિદ્‌ નરોતમ પલાણના જીવન કવન વિશેના અભિનંદન ગ્રંથનું પૂ. મોરારીબાપુના હસ્‍તે વિમોચન www.ashokhindocha.blogspot.com M-94262 54999 hindochaashok@gmail.com




પોરબંદરમાં ઇતિહાસવિદ્‌ નરોતમ પલાણના જીવન કવન વિશેના અભિનંદન ગ્રંથનું પૂ. મોરારીબાપુના હસ્‍તે વિમોચન
www.ashokhindocha.blogspot.com
M-94262 54999
hindochaashok@gmail.com

પોરબંદર :  ઇતિહાસવિદ્‌ નરોતમ પલાણના જીવન-કવન વિશેના અભિનંદન ગ્રંથ ‘શ્વેકેશી મિત્તર'નું વિમોચન પૂ. મોરારીબાપુએ કરીને જણાવેલ કે, નરોતમ પલાણ મારા માટે શ્વેતકેશી મિતર (મિત્ર) નથી પરંતુ શ્વેત કેશી પિતર (પિતા) સમાન છે. આ પુસ્‍તક ચચક પૃષ્‍ઠોનો એક દળદાર ગ્રંથ છે જેનું પ્રકાશન રાજકોટના પ્રવિણ પ્રકાશન દ્વારા સુઘડ અને સુંદર મુદ્રણકાર્ય દ્વારા થયું છે. આ ગ્રંથમાં બે વિભાગો છે. પુર્વાધ અને ઉતરાર્ધ. પુવાર્ધમાં લગભગ ત્રીસેક જેટલા લેખક મિત્ર?એ પલાણના જીવનન અને કવન વિશે લખી તેમના ઉમદા વ્‍યકિતત્‍વને વ્‍યકત કર્યુ છે. જેમાં પોરબંદરના ડો. સુરેખા શાહ, ડો. જયેન્‍દ્ર કારીઆ, પુષ્‍પાબેન જોશી, સુનીલ મોઢા, વજુભાઇ પુનાણી, ડો. બાલકૃષ્‍ણ જોશી વગેરે મિત્રોએ પલાણ સાહેબ સાથેના પોતાના અનુભવો અને લખાણો વિશે લખ્‍યું છે. આ વિભાગ ખાસ તો શૈક્ષણીક જગત માટે ખુબ જ ઉપયોગી છે. ગુજરાતની જુદી જુદી યુનિવર્સિટીઓમાં પલાણ સાહેબના કોઇને કોઇ પુસ્‍તકો અભ્‍યાસક્રમ સ્‍વરૂપે તેમજ ધો.૧૧ અને ધો.૧રના પાઠય પુસ્‍તકોમાં પલાણ સાહેબે લખેલા પ્રકરણો ભણાવવામાં આવે છે. ત્‍યારે શિક્ષકો અને અધ્‍યાપકોને પ્રસ્‍તૃત ગ્રંથ સંદર્ભગ્રંથ બની રહે તેવો છે.તેમની નવલકથા અને વિવેચનગ્રંથો વિશે રઘુવીર ચૌધરી, રાધેશ્‍યામ શર્મા, હરીકૃષ્‍ણ પાઠક, દક્ષા વ્‍યાસ, પ્રવિણ દરજી, નિતીન વડગામા જેવા ગુજરાતના પ્રથમ હરોળના સાહિત્‍ય સર્જકોએ પોતાના અમુલ્‍ય મંતવ્‍યો લખ્‍યા છે. આમ પ્રથમ ભાગ (પુવાર્ધ) સાહિત્‍ય રસિકો, શિક્ષકો અને અધ્‍યાપકો માટે એક મુલ્‍યવાન સંદર્ભગ્રંથ બની રહે તેવો છે. આ પુસ્‍તકના ઉતરાર્ધમાં શ્રી પલાણના પોતાના લેખો લખાણા છે. કલમ ઇતિહાસ, પુરાતત્‍વ, લોકસાહિત્‍ય, સંતસાહિત્‍ય એમ જુદા-જુદા અનેક વિષયો પર ચાલેલી છે. એમાં નવલકા, નિબંધ અને ચરિત્ર લેખોનો સમાવેશ પણ થાય છે. આ દરેક વિષયમાંથી પસંદગીના શ્રેષ્‍ઠ લેખો અહી મુકવામાં આવ્‍યા છે. જેમ કે આપણા સ્‍થાનીક અને પ્રચલીત દૈનિકપત્રો આજકાલ, ફુલછાબ, નોબત વગેરેમાં પલાણ સાહેબે સંખ્‍યાબંધ લેખો લખ્‍યા છે.

No comments: